நம்முடைய குழந்தைகளுக்கு தினமும் இட்லி, தோசை போன்ற உணவுகளை கொடுக்காமல் இந்த மாதிரியான உணவுகளை கொடுக்கலாம்.
இலங்கை பொல் ரொட்டி எப்படி செய்வது என பார்க்கலாம். இது வழக்கமான ரொட்டியை விட வித்தியாசமான சுவையில் இருக்கும்.
தேவையான பொருள்கள்
2 கப் மைதா
2-3 நறுக்கிய பச்சை மிளகாய்
1 கப் துருவிய தேங்காய்
1 நறுக்கிய வெங்காயம்
ஒரு கைப்பிடி கறிவேப்பிலை
உப்பு - தேவையான அளவு
தண்ணீர் - தேவையான அளவு
எண்ணெய் - தேவையான அளவு
இலங்கை போல் ரொட்டி / srilankan pol rotti
செய்முறை
- முதலில் ஒரு பாத்திரத்தில் தேங்காய் துருவல், பச்சை மிளகாய், வெங்காயம், கறிவேப்பிலை, உப்பு ஆகியவை சேர்த்து கலக்க வேண்டும்.
- அதனுடன் மைதா மற்றும் சிறிது தண்ணீர் சேர்த்து, மாவு பதத்திற்கு பிசைந்து 10 நிமிடங்கள் ஊற வைக்க வேண்டும்.
- பின்பி, கைகளில் எண்ணெய் தடவி மாவை சம பாகங்கள் உள்ள உருண்டைகளாக பிரிக்க வேண்டும்.
- ஒவ்வொரு உருண்டையாக எடுத்து விரல்களால் மெதுவாக தட்டி எடுத்துக் கொள்ள வேண்டும்.
- தவாவை குறைந்த மிதமான தீயில் சூடாக்கி, அதன் மீது தட்டி வைத்துள்ள மாவை வைக்க வேண்டும்
- இரண்டு புறமும் அதனை திருப்பி போட்டு, பொன்னிறமாகவும், மிருதுவாகவும் வரும் வரை சமைக்க வேண்டும். அதன் மேல் நெய் கூட தடவலாம்
- இப்போது சுவையான இலங்கை போல் ரொட்டி தயார். இதனுடன் குருமா அல்லது சன்னா மசாலா வைத்து சாப்பிடலாம்.
